Chal Man Mumbai Nagari (ચલ મન મુંબઈ નગરી)

ચલ મન મુંબઈનગરી, જોવા પુચ્છ વિનાની મગરી!

જ્યાં માનવ સૌ ચિત્રો જેવાં, વગર પિછાને મિત્રો જેવાં; નહીં પેટી, નહીં બિસ્તો લેવાં, આ તીરથની જાત્રા છે ના અઘરી!

સિમેન્ટ, કોંક્રીટ, કાચ, શિલા, તાર, બોલ્ટ, રિવેટ, સ્ક્રૂ, ખીલા; ઈન્દ્રજાલની ભૂલવે લીલા એવી આ શું હોય સ્વર્ગની સામગ્રી!

રસ્તે રસ્તે ઊગે ઘાસ કે પરવાળાં બાંધે વાસ તે પહેલાં જોવાની આશ હોય તને તો કાળ રહ્યો છે કગરી!

— નિરંજન ભગત